Lia Rumantscha 2011

Rumantsch Grischun
28 p. 

Pavun, elefant, avieul u giraffa - la pitschna auca sa transfurma en ils pli differents animals. Ma tgi è questa auca propi?

Lia Rumantscha 2014

Vallader / Puter / Surmiran / Sursilvan / Sutsilvan

Bun di, buna notg, il giat da Honolulu ed ina flotta carotta – versets per pitschens e pitschnins. Ils versets accumpognan ils uffants durant ils rituals da lur mintgadi: levar, prender cumià, far marenda, ir giuadora ed anc dapli. Las illustraziuns èn legras e plain vita ed ils versets animeschan da cumbinar la lingua ed il moviment.

Differents idioms:

ISBN 978-3-03900-139-3 (vallader)

ISBN 978-3-03900-117-0 (puter)

ISBN 978-3-03900-118-7 (surmiran)

ISBN 978-3-03900-119-4 (sursilvan)

ISBN 978-3-03900-120-0 (sutsilvan)

Lia Rumantscha 2011

Vallader / Puter / Surmiran / Sursilvan / Sutsilvan

Quest carnet cuntegna ina rimnada da hoppa hajas, versets e chanzunettas popularas cun pitschnas illustraziuns en colur. Singuls versets èn vegnids creads da nov.

Differents idioms: 

ISBN 978-3-03900-090-6 (vallader)
ISBN 978-3-03900-091-6 (puter)
ISBN 978-3-03900-092-6 (sutsilvan)
ISBN 978-3-03900-093-7 (surmiran)
ISBN 978-3-03900-075-3 (sursilvan)

Ovra svizra da lectura per la giuventetgna

Vallander / Sursilvan

28 p.

La giaglina vul vesair ina giada la mar. Ella ha udì uschè bler dad ella. Ma ch’igl haja là er in guardiabogn – cun gliez n’ha ella betg quintà.

Differentas versiuns:

nr. 2730 ISBN 978-3-7269-0428-9 (vallader)

nr. 2732, ISBN 978-3-7269-0430-2 (sursilvan)

Chasa Editura Rumantscha 2018

Vallader / Rumantsch Grischun
28 p.

"Jau vi tschareschas", cloma Lumpaz. "Mo patgific, l’enviern na datti betg tschareschas", respunda Furbaz. Ma quai è a Lumpaz uschè lung sco lad. El è in lader e vul tschareschas. E quai immediat. Laderschnuz e sapperluz! 

Linard Bardill trametta ses dus laders simpatics e be pauc privlus sin in viadi enturn il mund ed enavos. La fortuna chatt’ins numnadamain savens pli manaivel cha pensà …

Differentas versiuns:

ISBN 978-3-03845-054-2 (vallader)

ISBN 978-3-03845-055-0 (rumantsch grischun)

Uniun dals Grischs 2022

Vallader / Puter

La mieur va be suletta a spass tras il guaud, qua cloma la vulp: Mieuretta, oh, spetga. Ma la vulp è il pli pitschen problem da la Mieuretta perderta. Ella inscuntra la tschuetta, la serp ed ... Agid! Oh na! Il Grüflun!

Differents idioms:

ISBN 978-3-908611-55-4 (vallader)

ISBN 978-3-908611-56-1 (puter)

Baeschlin 2022

Sursilvan
32 p.

Co che las muntanellas fan vacanzas en la citad.

Lia Rumantscha 2024

Rumantsch Grischun e tut ils idioms

Adatg: qua fa in cudesch da spiert

“Oh, quest cudesch! El fa sco sch’i na fiss nagut. Ma dapi ch’el è qua capitan trasora chaussas curiusas. Ins pudess crair che nus hajan spierts en scola. Hm, almain nus scolastas e scolasts pensain quai. Damai: na lascha po betg mitschar el ...”
“Na taidla betg tge ch’el di: il cudesch è supercool. El gida tai en scola, el fa ina filistucca suenter l’autra ed el sa bunamain tut. Per exempel: sajettar puncts dad i en il nas dals scolasts, dar ballape durant la pausa e schizunt tentar las schimgias dal zoo.”

Differentas versiuns:

ISBN 978-3-03900-213-9 (rumantsch grischun)

ISBN 978-3-03900-218-4 (vallader)

ISBN 978-3-03900-217-7 (puter)

ISBN 978-3-03900-216-0 (surmiran)  

ISBN 978-3-03900-214-6 (sursilvan)

ISBN 978-3-03900-215-3 (sutsilvan)

Chasa Editura Rumantscha 2024

Vallader / Rumantsch Grischun

56p.

Gion ha fatg carriera sco tambur ed ha schizunt maridà la figlia dal retg da la Frantscha. Ma quai na crai ses bab betg, cura ch'el turna a chasa tut sdratschà. Ed uschia sto Gion ir a pertgirar las chauras.

Differentas versiuns:

ISBN 978-3-03845-088-7 (rumantsch grischun)

ISBN 978-3-03845-087-0 (surmiran)

Lia Rumantscha 2023

Rumantsch Grischun e tut ils idioms

L’urs sa smirveglia: «Nua pomai èn tschels animals?»
«Lezs èn ids a star en citad», declera il sprer. «Là datti taunas stgaudadas, bun pavel e cunzunt: nagins chatschaders!»
Pia sa metta l’urs era sin via en citad.
Ils auters animals n’èn insumma betg intgantads. Els fan quitads che l’ursun tementia ils umans e provocheschia ils chatschaders. Ils animals decidan da far curtas cun l’urs e d’al surdar al zoo. Ma l’emprim hai num tschiffar el ...

Differentas versiuns:

rumantsch grischun e tut ils idioms

ISBN 978-3-03900-199-6 (rumantsch grischun)

ISBN 978-3-03900-204-7 (vallader)

ISBN 978-3-03900-203-0 (puter)

ISBN 978-3-03900-202-3 (surmiran)

ISBN 978-3-03900-200-9 (sursilvan)

ISBN 978-3-03900-201-6 (sutsilvan)

Lia Rumantscha 2023

Rumantsch Grischun e tut ils idioms

Cura han mamma e bab finalmain temp per preparar la festa da Nadal? Clara e Beni pon strusch spetgar. Ma curt avant Nadal vegnan ils geniturs malsauns. Ed ussa? Ils uffants decidan tut adascus d’organisar sezs la festa ...

In’istorgia da Nadal per lecturas e lecturs giuvens a partir da la 2 . classa.

Differentas versiuns:

ISBN 978-3-03900-207-8 (rumantsch grischun)

ISBN 978-3-03900-212-2 (vallader)

ISBN 978-3-03900-211-5 (puter)

ISBN 978-3-03900-210-8 (surmiran)  

ISBN 978-3-03900-208-5 (sursilvan)

ISBN 978-3-03900-209-2 (sutsilvan)

Lia Rumantscha 2022

Rumantsch Grischun e tut ils idioms

135 p. 

Uss hai dà las dudesch!

Amez la notg sa sveglia Flo andetgamain. Davant el stat ina mattetta e dumonda per in dent. Tge? Ella vul in dent dad el? È quai forsa la diala da dents? Ma lezza na datti gea gnanc. Cun sia mantella e la pel pallida vesa ella plitost ora sco in ... Uss hai dà las dudesch! Sco in vampir!

Differentas versiuns:

ISBN 978-3-03900-179-8 (rumantsch grischun)

ISBN 978-3-03900-184-2 (vallader)

ISBN 978-3-03900-183-5 (puter)

ISBN 978-3-03900-182-8 (surmiran)

ISBN 978-3-03900-180-4 (sursilvan)

ISBN 978-3-03900-181-1 (sutsilvan)

Chasa Editura Rumantscha 2022

Vallader / Rumantsch Grischun

40 p.

Ils chavels da Nuala seccan! Els èn bler memia lungs e disturban cun lavurar. Ma co pudess ella vegnir libra da quels? Ensemen cun ses ami Mirin sa metta Nuala en viadi. Ma ni la glina ni las stailas san dar cussegl.
Forsa chattan els la resposta sin terra. Ma là èsi privlusischem … In’istorgia davart diversitad, amicizia e curaschi.

Differentas versiuns:

ISBN 978-3-03845-078-8 (vallader)

ISBN 978-3-03845-079-5 (rumantsch grischun)

Lia Rumantscha 2018

Vallader / Puter / Surmiran / Sursilvan / Sutsilvan / Rumantsch Grischun

Lupo avess gugent tschurrichels, Nic na vul betg dar bitschs a l'onda Teresa, Luisa sto ir en l’ospital - e Brutus? Brutus ha anc adina nauscha luna ed è persvadì che nagut e nagin sa far tema ad el, fin ch'el ha in bel di ina sentupada tut speziala en curtin. Il bab ha ina botta sin il frunt suenter ch'el ha guardà in matsch da ballapè e la mamma accumpogna Luisa l’emprim di da scola. Na, lungurus n’èsi propi mai tar la famiglia Babulin.

Differentas versiuns:

ISBN 978-3-03900-156-9 (vallader)

ISBN 978-3-03900-157-6 (puter)

ISBN 978-3-03900-160-6 (surmiran)

ISBN 978-3-03900-158-3 (sursilvan)

ISBN 978-3-03900-159-0 (sutsilvan)

ISBN 978-3-03900-161-3 (rumantsch grischun)

Ovra svizra da lectura per la giuventetgna

nr. 2752

Vallader

24 p.

Quest carnet dat in’invista interessanta en il mund dals stars da skis. Cun mintga bustab da l’alfabet vegnan ils uffants a savair dapli da la vita dals profis da skis ed emprendan d’enconuscher els sco umans cun lur preferenzas e lur hobis.

Ovra svizra da lectura per la giuventegna

nr. 2731

Vallander

32 p.

Cura ch’ina nova vischina vegn a star en il bloc, guardan tuts in pau tort. Ma la dama na fa betg cas e lascha crudar senza vulair in pèr flocs da bainvulientscha che furman ina botta che rodla e crescha.  

Chasa Editura Rumantscha 2019

Rumantsch Grischun / Surmiran

88 p.

Lio sa grittenta: tut ses amis van durant la stad en vacanzas, mo el sto ir ad alp. Cura che sia mamma al prenda perfin anc davent ses telefonin, al tanschi definitivamain! Lio less mo pli ir davent. Ses chaun Cookie ha però in’autra idea e va a chatscha da muntanellas. Questa chatscha als maina en il pajais magic Semperverd, nua ch’els ston ademplir intginas incumbensas.

Ovra svizra da lectura per la giuventetgna

Rumantsch Grischun

40 p.

Las schumellinas Leonie ed Eva van sco mintga stad cun l'aviun en l'Engalterra tar il tat e la tatta. A l'arriv admonescha il tat las duas mattatschas da betg ir sulettas per via. Las davosas emnas sajan sparids uffants, dapi ier na saja er John, il mattatsch dal bain vischin cun ils chavels cotschens e las lentinas, betg pli d'enturn. Avant trais dis è svanida Milly. Milly è tut narra da chavals, cun ella vulevan las schumellinas ir a chavaltgar.

Chasa Editura Rumantscha 2022

Puter

136 p.

Dunna Diana, la mamma da Giancarl Tönet, in tip solitari che suna gugent la gìa, è sparida. Il cumissari Fadri Stupan e ses assistent s’occupan dal fatg. Ma alura ston els sclerir anc in segund cas.
Han ils dus cas da far l’in cun l’auter ? U è quai mo ina casualitad? Forsa sa zuppa la resposta en ina simpla melodia da gìa.

Ovra svizra da lectura per la giuventetgna

Rumantsch Grischun

32 p.

Billi observa ina figura naira che zuppa insatge en il terren. È quai l’um ch’ella ha vis curt avant a la fermada da tram e ch’era tuttenina svanì?

Ovra svizra da lectura per la giuventetgna

Surmiran

32 p.

Tge èsi capità cun il Jaguar? Ils detectivs Emi, Nina, Chris e Mitgel van a la tschertga da fastizs.